ខេ​ត្ដ​ព្រះ​សីហ​នុ​៖

បើ​យោង​តាម​ការ​ឱ្យ​ដឹង​របស់​លោក Gen Birdsony ម ​ន្ដ្រី​ទាហាន​ពេទ្យ​របស់​ ​កង​ម៉ា​រី​នទី​៣១នៃ​កម្លាំង​ចម្បាំង​ខាង​លើ​ ​បាន​ឱ្យ​ដឹង​ថា​ ​ការ​ចូល​រួម​ព្យាបាល​ដល់​ ​ប្រជា​ពលរដ្ឋ​នៅ​ក្នុង​ឃុំ​អូរ​ជ្រៅ​ ​ស្រុក​ ​និង​ខេ​ត្ដ​ខាង​លើ​នេះ​ ​មាន​រ​យៈ​ពេល​៣ថ្ងៃ​ ​ហើយ​លោក​សង្ឃឹម​ថា​ ​ក្រុម​គ្រូ​ពេទ្យ​ ​របស់​លោក​ ​និង​កម្ពុ​ជា​នឹង​ព្យាបាល​ដល់​ ​ប្រជា​ពលរដ្ឋ​បាន​ចំនួន​៣.៨០០នាក់​ក្នុង​សកម្មភាព​នៃ​ការ​ធ្វើ​លំ​ហាត់​យោធា​នៅ​កម្ពុ​ជា​ ​។

លោក​បាន​ប​ន្ដ​ថា​ ​តាម​រ​យៈ​ការ​ពិ​និត្យ​ ​ជាក់​ស្ដែង​ក្នុង​ថ្ងៃ​ទី​១ (ថ្ងៃ​ទី​២៧ ខែ​កុម្ភៈ ឆ្នាំ​២០១១)គឺ ​លោក​កត់​សម្គាល់​បាន​ថា​ ​អ្នក​ជំងឺ​ភាគ​ច្រើន​ដែល​មក​ទទួល​សេ​វា​ ​ពី​ក្រុម​លោក​ ​និង​កម្ពុ​ជា​ ​គឺ​ជា​ជំងឺ​ ​ភ្នែក​ ​ដែល​កើត​មាន​ចំពោះ​មនុស្ស​វ័​យ​ចាស់​ ​ហើយ​ខាង​ក្រុម​គ្រូ​ពេទ្យ​ក៏​នឹង​មាន​ការ​ ​វះ​កាត់​ផង​ដែរ​ទៅ​លើ​អ្នក​ជំងឺ​ភ្នែក​ ​។ ក្រៅ ​ ​ពី​នោះ​មាន​ការ​ព្យាបាល​ជំងឺ​ទូទៅ​ជំងឺ​ ​ធ្មេញ​ ​ដោយ​ជំងឺ​ទាំង​អស់​នោះ​តាម​អ្នក​ ​ព្យាបាល​ជំងឺ​ ​និង​ទទួល​យក​តែ​ប្រភេទ​ជំងឺ​ ​ស្រា​លៗ​តែ​ប៉ុណ្ណោះ​ ​បើ​ករណី​ធ្ងន់ធ្ងរ​ ​ក្រុម​គ្រូ​ពេទ្យ​នឹង​ចាត់​បញ្ជូន​ទៅ​ព្យាបាល​នៅ​មន្ទីរ​ពេទ្យ​របស់​កម្ពុ​ ជា​វិញ​ ​។

ទាក់ទិន ​នឹង​ឱ​ស​ថ​ ​ក៏​ដូច​ជាស​ម្ភា​រៈ​ ​ពេទ្យ​វិញ​ ​គេ​បាន​កត់​សម្គាល់​ឃើញ​ថា​ ​ជាស​ម្ភា​រៈ​ ​និង​ឱ​ស​ថ​ ​ដែល​គេ​ទិញ​ក្នុង​ ​ប្រទេស​កម្ពុ​ជា​ប៉ុណ្ណោះ​ ​ដោយ​ពុំ​មែន​យក​ ​ឱ​ស​ថ​ ​ឬ​ស​ម្ភា​រៈ​ពេទ្យ​ប្រចាំ​ការ​ក្នុង​នាវា​ ​ចម្បាំង USS Essex នោះ​ឡើយ​ ​។ ឱ ​ស​ថ​ ​ផ្សេ​ងៗ​ដែល​គេ​អាច​មើល​នឹង​ភ្នែក​បាន​ ​នោះ​ ​គឺ​ជា​ឱ​ស​ថ​នៅ​ប្រទេស​វៀ​ត​ណា​ម​ ​ឯ​ស​ម្ភា​រៈ​ផ្សេង​ទៀត​ដូច​ជា​ ​វ៉ែនតា​ជា​ដើម​ ​នោះ​ ​ក៏​គេ​ពិ​និត្យ​ឃើញ​មាន​លក់​នៅ​ក្នុង​ ​ផ្សារ​ប្រទេស​កម្ពុ​ជា​ផង​ដែរ​ ​។ ប្រការ ​ ​ទាំង​នោះ​ធ្វើ​ឱ្យ​មាន​ការ​គិត​ពី​មុន​ថា​ ​ការ​ ​ដែល​ក្រុម​គ្រូ​ពេទ្យ​អា​មេ​រិ​កម​ក​ព្យាបាល​ ​បែប​នេះ​ ​ប្រាកដ​ជា​ញំ​នាំ​យក​មក​នូវ​ ​ឱ​ស​ថ​ ​ឬ​ស​ម្ភា​រៈ​របស់​អា​មេ​រិ​ក​មិន​ខាន​ ​ឡើយ​ ​ព្រោះ​គេ​គ្រប់​គ្នា​ជឿ​ថា​ឱ​ស​ថ​ ​និង​ ​ស​ម្ភា​រៈ​របស់​អា​មេ​រិ​ក​ពូកែ​ ​និង​មាន​ ​ប្រសិទ្ធ​ភាព​ជាង​ឱ​ស​ថ​លក់​នៅ​ក្នុង​ស្រុក​ ​។

លោក Gen Birdsong ដែល​ជាម​ន្ដ្រី ពេទ្យ ​របស់​អា​មេ​រិ​ក​តាំង​ពី​បាន​ពន្យល់​ថា​ ​ច្បាប់​អា​មេ​រិ​ក​មិន​តម្រូវ​យក​នូវ​ឱ​ស​ថ​ដែល​ជា​របស់​អា​មេ​រិ​ក​យក​មក​ ព្យាបាល​ ​ដល់​អ្នក​ជំងឺ​ម្ចាស់​ស្រុក​ទេ​ ​ដោយ​សុខ​ចិ​ត្ដ​ចំណាយ​ទិញ​ផលិតផល​ក្នុង​ស្រុក​វិញ (sic ) ។

សូម​បញ្ជាក់​ថា​ការ​ចុះ​មក​ព្យាបាល​​ពលរដ្ឋ​ខ្មែរ​នៅ​ភូមិ -ឃុំ ​អូរ​ជ្រៅ​ ​ស្រុក​ព្រៃ​នប់​ ​ខេ​ត្ដ​ព្រះ​សីហ​នុ ​ពី​សំណាក់​​ក្រុម​កង​ទាហាន​អា​មេ​រិ​ក​នេះ​ ​ជា​ផ្នែក​មួយ​នៃ​ ​លំ​ហាត់​យោធា​ជើង​ទឹក​សហ​រដ្ឋ​អា​មេ​រិ​ក​នៅ​កម្ពុ​ជា​ ​មាន​រ​យៈ​ពេល​ពី​ថ្ងៃ​ទី​២៧ ខែ​កុម្ភៈ ដល់​ថ្ងៃ​ទី​២ ខែ​មី​នា​ ​ឆ្នាំ​២០១១ ។ ក្រៅ​ពី​នោះ​ក៏​មាន​ការ​អនុ​វ​ត្ដ​យុទ្ធ​វិធី​ទ័ព​ព្រៃ​ ពី​សំណាក់​ទាហាន​អា​មេ​រិ​ក​ចំនួន​៣៥០នាក់​ ​ជាមួយ​ទាហាន​កម្ពុ​ជា​ផង​ដែរ​ ​ហើយ​ការ​មក​ដល់​នៃ​នាវា USS Essex នេះ​ជា​លើក​ទី​២ហើយ​ដែល​គេ​មក​កាន់​ប្រទេស​កម្ពុ​ជា​ ​ដោយ​លើក​ទី​១នៅ​ឆ្នាំ​២០០៨ ។

គួរ​បញ្ជាក់​ថា​ ​នាវា​ចម្បាំង​នេះ​មាន​មូល​ដ្ឋា​ន​នៅ​ប្រទេស​ជប៉ុន ៕

ប្រភព កម្ពុជាថ្មី

ឯ.ឧ អូស្មាន ហាស្សាន់នៅព្រលានយន្តហោះអន្តរជាតិភ្នំពេញ

កាលពីព្រឹកថ្ងៃទី០៨ ខែធ្នូ ឆ្នាំ២០១០ នៅព្រលានយន្តហោះអន្តរជាតិភ្នំពេញ យើងសង្កេតឃើញ​មានបងប្អូនខ្មែរឥស្លាម ទាំងចាស់ទាំងក្មេង យ៉ាងច្រើនកុះករ ដែលអញ្ជើញមកពី បណ្តាខេត្តក្រុង​មួយចំនួននៅក្នុងព្រះ​រាជាណាចក្រកម្ពុជា បានមកជួបជុំគ្នាដើម្បីរង់ចាំ ទទួលស្វាគមន៍ ប្រកប​ដោយទឹកចិត្តសប្បាយរីករាយ នូវដំណើរ​ត្រលប់​មកវិញរបស់ សាសនិកឥស្លាម ដែលទៅចូលរួម​បុណ្យហាជ ឬបុណ្យហាជ្ជីនៅទីក្រុងម៉ាក្កះ ប្រទេស អារ៉ាប៊ីសាអ៊ូឌីត។

​ក្នុងឱកាសនោះដែរ ឯកឧត្តម ឧកញ៉ា អូស្មាន ហាស្សាន់ ទីប្រឹក្សាសម្តេចអគ្គមហាសេនា បតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា និងជារដ្ឋលេខាធិការ ក្រសួងការងារ និងបណ្តុះបណ្តាលវិជ្ជាជីវៈ និងជាប្រធានមូលនិធិអភិវឌ្ឍន៍មុស្លិមកម្ពុជា និងលោកជំទាវ អាស៊ីយ៉ាស់ អាលី ព្រមទាំងឯកឧត្តម លោកជំទាវ ដែលជាថ្នាក់ដឹកនាំ សហគមន៍ឥស្លាមមួយចំនួនទៀត ក៏បានផ្តល់កិត្តិយសមក​ចូល​រួមទទួលស្វាគមន៍ដល់ ដំណើរ​ត្រលប់​មកវិញរបស់សាសនិកឥស្លាម​ទៅចូលរួមបុណ្យហាជ ឬបុណ្យហាជ្ជីនៅ ទីក្រុងម៉ាក្កះ ប្រទេសអារ៉ាប៊ីសាអ៊ូឌីតផងដែរ។

ឯកឧត្តម ឧកញ៉ា អូស្មាន ហាស្សាន់បានមានប្រសាសន៍ប្រាប់អ្នកយកព័ត៌មាននៅ ព្រលានយន្តហោះ អន្តរជាតិថា នៅឆ្នាំ២០១០នេះ ក្រោមការដឹកនាំប្រកបដោយភាព ឈ្លាសវៃ របស់​សម្តេច​អគ្គមហា​សេនា​បតីតេជោ ហ៊ុន សែន នាយករដ្ឋមន្ត្រីនៃព្រះរាជា ណាចក្រកម្ពុជា ប្រទេសកម្ពុជាមានភាព​រីក​ចំរើនទៅមុខស្ទើរគ្រប់វិស័យ ហើយសាសនិក ឥស្លាមនៅកម្ពុជា​ភាគច្រើនក៏មានជីវភាពធូរធារ ដែលអាចចំណាយថវិកាផ្ទាល់ខ្លួន ដើម្បីទៅចូលរួមបុណ្យហាជ្ជនេះ នៅប្រទេសអារ៉ាប៊ីសាអ៊ូឌីតមានចំនួនដល់ទៅ២៧៩នាក់ ដែលក្នុងនោះមានចំនួន១៤នាក់ដែល​ទទួលបានការឧបត្ថម្ភទាំងស្រុងពីសប្បុរសជន និងអង្គការឥស្លាមនៅប្រទេសអារ៉ាប់រួមអេមីរ៉ាត់។

(ប្រសាសន៍ដើម)

ឯកឧត្តមបានសំដែងនូវការដឹងគុណយ៉ាងជ្រាលជ្រៅចំពោះរាជរដ្ឋាភិបាលកម្ពុជា ដែលតែងតែយក​ចិត្តទុក​ដាក់ខ្ពស់មកលើសហគមន៍ឥស្លាមកម្ពុជា និងថ្លែងអំណរគុណ ដល់សប្បុរសជនដែលបាន​ចូលរួមចំណែកឧបត្ថម្ភដល់ដំណើរទៅចូលរួម បុណ្យហាជ្ជ សំរាប់ឆ្នាំនេះ។

(ប្រសាសន៍ដើម)

 ឯកឧត្តម សុះ មុះសិន រដ្ឋលេខាធិការក្រសួងធម្មការ និងសាសនា និងជាអនុប្រធាន មូលនិធិ​អភិវឌ្ឍន៍មុស្លិមកម្ពុជាបានបញ្ជាក់អំពីសារៈសំខាន់នៃពិធីបុណ្យហាជ្ជនេះ ដែលជាគោលការណ៍​ទីប្រាំក្នុងចំណោមគោលការណ៍ទាំង៥របស់សាសនាឥស្លាម ដែលតំរូវឲ្យសាសនិករបស់ខ្លួនដែល​មានលទ្ធភាពទាំងថវិកា និងសុខភាព ត្រូវទៅ បំពេញកាតព្វកិច្ចឲ្យបានមួយដងក្នុង១ជីវិត។

(ប្រសាសន៍ដើម)

ឯកឧត្តមបានបន្តថា សំរាប់ឆ្នាំនេះ ក៏ដូចជាឆ្នាំមុនៗដែរ បងប្អូនមុស្លិមកម្ពុជាដែលបានទៅ ចូលរួម​បុណ្យហាជ្ជនេះ មិនមាននរណារងគ្រោះថ្នាក់ដល់ថ្នាក់បាត់បង់ជីវិត ឬរងរបួស នោះទេ។

(ប្រសាសន៍ដើម)

 សូមបញ្ជាក់ថា នៅឆ្នាំ២០១០នេះ មានក្រុមហ៊ុនឯកជនចំនួន៤ ដែលបានបំពេញ តួនាទីយ៉ាងល្អក្នុង​ការដឹកនាំបងប្អូនខ្មែរឥស្លាមចំនួន២៧៩នាក់ ឲ្យទៅចូលរូមបុណ្យ ហាជ្ជប្របកបដោយជោគជ័យ និងសុវត្ថិភាព ដែលម្នាក់ៗត្រូវចំណាយថវិកាប្រមាណពី3500 ទៅ 3600ដុល្លាសហរដ្ឋអាមេរិក៕

ប្រភពសម្លេងឥស្លាមកម្ពុជា។

គណៈប្រតិភូរបស់កម្មវិធីIVLP2010

លោក សេត មូហាំម៉ាត់ស៊ីស ជាសមាជិកគណៈកម្មការកណ្តាលមូល​និធិអភិវឌ្ឍន៍មុស្លិម​កម្ពុជា និងជាអនុប្រធានបណ្ណាល័យសម្តេចអគ្គមហាសេនាបតីតេជោ ហ៊ុន សែន និង​លោកជំទាវ បានទទួល​ការអញ្ជើញពីក្រសួងការបរទេសសហរដ្ឋអាមេរិក តាមរយៈ​ស្ថានទូតសហរដ្ឋអាមេរិក​ប្រចាំកម្ពុជា ដើម្បីទៅចូលរួមកម្មវិធីអ្នក​ទស្សនា​បរទេស​​​សំរាប់​​ភាព​ជា​អ្នក​ដឹកនាំនៅសហរដ្ឋអាមេរិក​ដែលមានរយៈពេល៣សប្តាហ៍ គឺចាប់ពីថ្ងៃទី២១ ខែតុលា រហូតដល់ថ្ងៃទី១៤ ខែវិច្ឆិកា ឆ្នាំ២០១០។ លោកបានបញ្ជាក់ថាសំរាប់ឆ្នាំនេះ គណៈប្រតិភូដែលចូលរួមក្នុងកម្មវិធីមានចំនួន២២ប្រទេស ដែលមកពីតំបន់អាស៊ាន មាន​កម្ពុជាមាន១រូប និងភីលីពីន១រូប។ កម្មវិធីនេះមានប្រធានបទ ការចូល​រួមរបស់យុវជនក្នុង​ការអប់រំសិទ្ធប្រជាពលរដ្ឋ ដែលសិក្ខាកាមទាំងអស់បានទៅទស្សនា សិក្សា​ស្វែង​យល់ពី​ប្រព័ន្ធគ្រប់គ្រងនៅតាមគ្រឹះស្ថានអប់រំ អង្គការ សមាគម ដែលធ្វើការលើការជំរុញ​យុវជនឲ្យ​មានការចូលរួមក្នុងភាពស្ម័គ្រចិត្ត ការគោរពសិទ្ធិអ្នកដទៃ សិទ្ធិមនុស្ស។ល។ លើសពីនេះ គណៈប្រតិភូទាំងអស់បានស្វែងយល់ពីភាពរីកចំរើនលូតលាស់របស់ប្រទេស​មហាអំណាចមួយនេះ​ផងដែរ។ លោក សេត​ មូហាំម៉ាត់ស៊ីសបានថ្លែងអំណរគុណ​យ៉ាងជ្រាលជ្រៅចំពោះរដ្ឋាភិបាល​សហរដ្ឋអាមេរិក ជាពិសេសស្ថានទូត​សហរដ្ឋអាមេរិក​ប្រចាំកម្ពុជា ដែលបានផ្តល់ឱកាសដល់រូប​លោក អាច​ទៅចូលរួមក្នុងកម្មវិធីប្រកបដោយ​មាន​អត្ថប្រយោជន៍បែបនេះ ដែលជាប្រការមួយជំរុញ​ដល់ការស្វែងយល់ពីភាពជោគជ័យ ក្នុងភាពជាអ្នកដឹកនាំសំរាប់សហគមន៍​នៅថ្ងៃខាង​មុខ៕

នៅពីមុខសេតវិមាន

ប្រភព កោះសន្តិភាព

ប្រភព CEN

ពិធីចុះហត្ថលេខាលើប្រកាសរួម

ដោយមានសេចក្តីអនុញ្ញតិដ៏ខ្ពង់ខ្ពស់អំពីសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា កាលពីថ្ងៃទី២-៣ ខែតុលា ឆ្នាំ២០១០ អង្គការមូល​​និធិអភិវឌ្ឍន៍មុស្លិមកម្ពុជា បានបញ្ជូនគណៈប្រតិភូមុស្លិមកម្ពុជាចំនួន៣រូប ឲ្យទៅចូលរួមក្នុងកិច្ចប្រជុំសន្និសីទអន្តរជាតិលើកទី១ របស់បណ្តាញអង្គការ​​ស្រាវជ្រាវមុស្លិមអាស៊ាន ស្តីពីការអប់រំឥស្លាមអាស៊ាន៖ “ផ្លាស់ប្តូរពីភាពខាងក្នុងតាមរយៈការ​សិក្សា”។ លោក សេត មូហាំម៉ាត់ស៊ីស តំណាងគណៈប្រតិភូបានមានប្រសាសន៍ថា

សន្និសីទអន្តរជាតិនេះបានប្រារព្ធឡើងនៅសាកលវិទ្យាល័យវ៉ាឡៃឡាក់ ខេត្តណាខន​ស៊ីថាមរ៉ាត់ ប្រទេសថៃ ដោយមានសិក្ខាកាមជាសាស្ត្រាចារ្យ និស្សិត និងអ្នកស្រាវជ្រាវ​ជនជាតិថៃជាមុស្លិម ពុទ្ធសាសនិក និងគ្រឹស្តសាសនា ប្រមាណជា១០០០នាក់ រួមទាំង​វាគ្មិន​ចំណានជាបណ្ឌិតសាស្ត្រាចារ្យអន្តរជាតិជាច្រើននាក់ និងវត្តមានរបស់​អភិបាលខេត្ត​​​ណា​​​ខនស៊ីថាមរ៉ាត់ ឯកឧត្តម ថាវ៉ន សាណេនាម អនុរដ្ឋមន្ត្រីក្រសួងមហាផ្ទៃថៃ និង​ឯកឧត្តម បណ្ឌិត ស៊ូរិន ពិត​សុវណ្ណ អគ្គលេខាធិការអាស៊ានផងដែរ។

លោកបានបន្តថា គណៈប្រតិភូមុស្លិមកម្ពុជារួមមានរូបលោក លោក ហាំ​ ការីម និង លោក សាន់ សារ៉ន ដែលជាសមាជិកគណៈកម្មាធិការកណ្តាលអង្គការមូលនិធិអភិវឌ្ឍន៍      មុស្លិមកម្ពុជា ដែលមានឯកឧត្តម ឧកញ៉ា អូស្មាន ហាស្សាន់ ជាប្រធាន បានទទួលការ​អញ្ជើញឲ្យចូលរូមក្នុងកិច្ចប្រជុំសន្និសីទអន្តរជាតិលើកទី១នេះ ដែលត្រូវបានរៀបចំ​ឡើងដោយបណ្តាញអង្គការ​​ស្រាវជ្រាវ​មុស្លិមអាស៊ាន ហៅកាត់ថា (AMRON) ដែល​មាន​គោលបំណងជំរុញដល់កិច្ចសហការ សំរាប់អ្នកស្រាវជ្រាវ អ្នកសិក្សាឥស្លាម និងអាជ្ញាធរ​រដ្ឋាភិបាលដែលពាក់ព័ន្ធ ដើម្បីឲ្យការអប់រំឥស្លាមនឹងត្រូវបានធ្វើសមាហរណកម្មបន្ថែម​ទៀត ​ក្នុងទំហំការងារបែបទំនើប និងជំរុញដល់ការយោគយល់គ្នា សនិ្តភាព និងវិបុលភាពរវាងគ្នានិងគ្នាក្នុង​តំបន់ អាស៊ាន ព្រមទាំងដើម្បីផ្តោតលើការអប់រំ​ឥស្លាម​ក្នុងតំបន់អាស៊ាន ដោយផ្លាស់ប្តូរចំណេះដឹង ការយល់ដឹង បទពិសោធន៍ចំណោមអ្នក​សិក្សា អ្នកស្រាវជ្រាវជាជនមុស្លិម និងមិនមែនមុស្លិម និងអ្នកពាក់ព័ន្ធដទៃទៀតក្នុង​បរិយាកាស​ស្និទ្ធ​​ស្នាល។

លោកបានបន្តថា ឯកឧត្តម ថាវ៉ន សេណានាម អនុរដ្ឋមន្ត្រីក្រសួងមហាផ្ទៃថៃបានថ្លែង​សន្ទរកថាបើក​ដោយមានអត្ថន័យជាអាទិ៍ថា ការអប់រំមិនមានន័យថាការរៀនក្នុង​ថ្នាក់រៀន​នោះទេ។ មនុស្សអាចរៀនពីអ្វីគ្រប់យ៉ាងដែលនៅជុំវិញ និងរំពឹងថាការអប់រំក្នុងទំរង់ណា​ក៏ដោយ នឹងអាចឈាន​ដល់ការផ្លាស់ប្តូរចេញពីខាងក្នុង។ ការផ្លាស់ប្តូរពីខ្លួនឯងគឺជា​លទ្ធផល​ដ៏ល្អបំផុតនៃការអប់រំ។ នៅពេល​យើងផ្លាស់ប្តូរចេញពីខាងក្នុង យើងអាចយល់​ពិភពលោកខាងក្រៅទៀត។ ទោះបីជាប្រធានបទនៃសន្និសីទនេះគឺការអប់រំឥស្លាម តែមិន​មានន័យថា មានតែជនមុស្លិមប៉ុណ្ណោះទេ ដែលត្រូវរៀន និងផ្លាស់​ប្តូរ។ ក្នុងគំនិតរបស់​លោក គ្រប់គ្នាត្រូវតែស្វែងរកការយោគយល់គ្នាទៅ​​វិញទៅមក។ គ្រប់គ្នាត្រូវការរៀន។ គ្រប់គ្នាត្រូវការផ្លាស់ប្តូរពីខាងក្នុង។ អ្នកអប់រំត្រូវការធ្វើការជាមួយគ្នា ប្រសិនបើគោល​បំណង​ចម្បង​របស់យើងគឺសំរាប់ពិភពលោកដែលប្រសើរ សំរាប់យើងរស់នៅ។

លោកបានបន្តថា ឯកឧត្តម បណ្ឌិត ស៊ូរិន ពិត​សុវណ្ណ អគ្គលេខាធិការអាស៊ានបាន​ធ្វើបទ​អន្តរាគមន៍​ស្តីពីការបង្កើនអំណាចក្នុងសហគមន៍តាមរយៈការអប់រំ ដោយឯកឧត្តមបាន​លើក​ឡើងពី​សារៈ​សំខាន់នៃការអប់រំទាំងសាសនាឥស្លាម និងវិទ្យាសាស្ត្រ។ ការរីកចំរើនរបស់​ប្រជាជនមុស្លិម​ដែលមានចំនួនពាក់កណ្តាលនៃអាស៊ាន ពិតជាអាចនាំ​ដល់ការរីកចំរើននៃប្រជាជនទាំង៥៩២​លាននាក់នៃអាស៊ានទាំងមូល។ ដូច្នេះយើងត្រូវ​នាំគ្នាគិតពិចារណា រួបរួមគ្នា ដើម្បីកិច្ចអភិវឌ្ឍ​ដល់សហគមន៍ទាំងមូល។

លោកបានបន្តថា លោក អាហ្ស៊ីស ភីតាក់គុមពន់ ថ្នាក់ដឹកនាំកំពូល​ឥស្លាមប្រទេសថៃ​ក៏​បានផ្តល់មតិសំណេះសំណាលដល់អង្គសន្និសីទដោយលើកពីសារៈសំខាន់នៃចំណេះដឹងទាំងផ្នែកសាសនា និងវិទ្យាសាស្ត្រ និងផលប្រយោជន៍នៃការរួប​រួមគ្នា។

លោកសេត មូហាំម៉ាត់ស៊ីសបានបន្តថា ចុងបញ្ចប់នៃសន្និសីទនេះ សមាជិកតំណាង​ប្រទេស​​អាស៊ានដែលបានចូលរួម បានចុះហត្ថលេខាលើ​សេចក្តីប្រកាសរួម ដោយសង្តត់​ធ្ងន់​លើការចូលរួមយ៉ាងសកម្ម ក្នុងកំរិតទាំងអស់នៃការពិភាក្សាលើគោលនយោបាយ ក្នុង​តំបន់អាស៊ាន ដើម្បីធានាថាសហគមន៍អាស៊ានដែលនឹង​កើតឡើងនឹងក្លាយជា​កន្លែង​ទូលាយ ដែលបង្កលក្ខណៈងាយស្រួលដល់មនុស្សគ្រប់ជំនឿទាំងអស់ រួមទាំងមុស្លិម អាចចូលរួមបាន និងទទួលបានភាពជាម្ចាស់​ស្មើគ្នា។ សន្និសីទអន្តរជាតិនេះនឹងត្រូវរៀបចំជារៀងរាល់ឆ្នាំ នៅតាម បណ្តាប្រទេសជាសមាជិក​អាស៊ាន៕

ប្រភពៈ សម្លេងឥស្លាមកម្ពុជា

សូមទាក់ទង ទៅកាន់អាស័យដ្ឋានមូលនិធិអភិវឌ្ឍន៍មុស្លិមកម្ពុជា គ្រប់ម៉ោងធ្វើការ។

2010-09-18

អស់​រយៈ​ពេល​ជាង​៣០​ឆ្នាំ​កន្លង​មក​ហើយ ដែល​ជន​រង​គ្រោះ​នៅ​ក្នុង​របប​ខ្មែរ​ក្រហម​ទន្ទឹង​រង់ចាំ​យុត្តិធម៌​ពី​សាលា ​ក្ដី​កាត់​ទោស​អតីត​មេ​ដឹក​នាំ​ខ្មែរក្រហម ដែល​កំពុង​តែ​ដំណើរ​ការ​ស៊ើប​អង្កេត ហើយ​និង​ធ្វើ​ការ​ជំនុំ​ជម្រះ​មេ​ដឹក​នាំ​កំពូល​ៗ នៅ​ក្នុង​របប​កម្ពុជា​ប្រជាធិបតេយ្យ។
ប្រភព អាស៊ីសេរី

នៅ​ថ្ងៃ​ទី ៤ ខែ​កញ្ញា ស្ថានទូត​អាមេរិក​បាន​រៀបចំ​ពិធី​អាហារ​ស្រាយ​បួស​សំរាប់​សហគមន៍​ចាម នៅ​មណ្ឌល​សុខភាព​មិត្តភាព​កម្ពុជា​អាមេរិក ក្នុង​ខេត្ត​កំពង់ឆ្នាំង​។ ពិធី​នោះ​បាន​ទាក់ទាញ​ការ​ចូលរួម​របស់​អ្នក​ដឹកនាំ​សហគមន៍​ចំនួន​ជាង ១៤០ នាក់ ដោយ​រួម​មាន​អ៊ីម៉ាម និង​គ្រូ​ប្រដៅ​សាសនា ដែល​ខ្មែរ​ហៅ​ថា “​ទួន​”​។ សមាជិក​ជាង ២០ នាក់​មកពី​ស្ថានទូត​អាមេរិក​ប្រចាំ​កម្ពុជា ក៏​បាន​ចូលរួម​ក្នុង​ពិធី​នេះ​ដែរ​។ បន្ទាប់​ពី ការ​ថ្វាយ​បង្គំ​ព្រះ​រួច​មក ភ្ញៀវ​បាន​ទស្សនា​ការ​បញ្ចាំង​វីដេអូ ដែល​ក្នុង​នោះ​លោក​ប្រធានាធិបតី​អូបាម៉ា​បាន​ថ្លែង សុន្ទរកថា​ក្នុង​ពិធី​អាហារ​ស្រាយ​បួស​ក្នុង​ឆ្នាំ​នេះ នៅ​សេតវិមាន​។ លោកស្រី​ឯកអគ្គរដ្ឋទូត Carol Rodley និង អ៊ីម៉ាំ តាំ ហាជី ហាស៊ីម បាន​ធ្វើ​សេចក្តី​ថ្លែង​ទៅ​កាន់​អ្នក​ចូលរួម​។ ក្នុង​សុន្ទរកថា​របស់​លោកស្រី លោកស្រី​ឯកអគ្គរដ្ឋទូត​បាន​សរសើរ​សហគមន៍​ចាម ដែល​មាន​ការ​អត់ឱន និង​ភាព​បើក​ចំហ ហើយ​បាន​សង្កត់​ធ្ងន់ លើ​កិច្ច​សហការ​គ្នា​រវាង​សហគមន៍​ចាម និង​ស្ថានទូត​អាមេរិក លើ​គំរោង​មនុស្សធម៌​រួម​គ្នា​។ ពិធី​នោះ មាន​ការ​សាទរ​ពី​អ្នក​ចូលរួម​ទាំងអស់​ដែល​បាន​ទទួល​ការ​អញ្ជើញ ដោយ​ពួកគេ​បាន​និយាយ​ថា វា​ជា​ពិធី​លើក​ទី​មួយ​ហើយ​ដែល​មាន​អង្គការ​មិន​មែន​ចាម​បាន​រៀបចំ​ពិធី​ អាហារ​ស្រាយ​បួស Iftar នៅ​ខេត្ត​កំពង់​ឆ្នាំង​។

នៅ​ល្ងាច​ថ្ងៃ​ទី ៧ ខែ​កញ្ញា លោកស្រី​ឯកអគ្គរដ្ឋទូត Carol Rodley ក៏​បាន​រៀបចំ​ពិធី​អាហារ​ស្រាយ​បួស Iftar នៅ​គេហដ្ឋាន​របស់​លោកស្រី​សំរាប់​យុវវ័យ​ចាម​ចំនួន​ជាង ៤០ នាក់ ដែល​មក​ពី​ស្ថាប័ន​សាធារណៈ និង​ឯកជន​។ លោក Set Mohammadsis តំណាង​យុវជន​ឥស្លាម​កម្ពុជា បាន​ថ្លែង​សុន្ទរកថា និង​អរគុណ ស្ថានទូត ដែល​បាន​ផ្តល់​ការ​គាំទ្រ​ក្នុង​ពេល​ប៉ុន្មាន​ឆ្នាំ​កន្លង​ទៅ ដល់​សហគមន៍​ឥស្លាម​ភាគ​តិច​នៅ​កម្ពុជា​។ ក្នុង សុន្ទរកថា​របស់​លោកស្រី លោកស្រី​ឯកអគ្គរដ្ឋទូត Carol Rodley បាន​ថ្លែង​សង្កត់​ធ្ងន់ លើ​សារៈសំខាន់​នៃ គំរោង​អភិរក្ស​បេតិកភណ្ឌ​ចាម​របស់​ស្ថានទូត ដែល​មាន​បំណង​ដោះស្រាយ​បញ្ហា​កង្វល់​លើ​ការ​បាត់បង់​បន្តិច​ម្តង​ៗ​នៃ​ អត្តសញ្ញាណ​និង​វប្បធម៌ ដោយ​ជំរុញ​និង​ធ្វើ​អោយ​ប្រសើរ​ឡើង និង​អភិរក្ស​ភាសា​និង​សំណេរ​ចាម​នៅ​ក្នុង​ប្រទេស​កម្ពុជា​។

ប្រភព http://khmer.cambodia.usembassy.gov/iftar_2010.html